17 سنة سفر متواصل وخلفوا 4 عيال فى رحلتهم
قصة ولا فى الخيال وتكاد تكون أغرب قصة في قصص السفر حول العالم، العيلة دي من الأرجنتين وبقالهم ١٧ سنة بيسافروا بالعربية اللي في الصورة دي، وخلفوا ٤ عيال في خلال رحلتهم، وعاشوا في/مع أكتر ٢٥٠٠ بيت/عيلة مختلفة، من الكل الثقافات والديانات، يال الهووول
بداية الرحلة
كندلاريا وهيرمان بدؤوا رحلتهم حول العالم في سنة ٢٠٠٠، واخدين كل حاجة معاهم في العربية، اللي شنطتها بقت الدولاب بتاعهم، وعملوا ابتكار بيسخن الأكل على حرارة الموتور، والموضوع بدأ برحلة قرروا يعملوها من الأرجنتين لألاسكا بعربيتهم قعدت ١٦ شهر بعربيتهم Graham Paige موديل 610 سنة ١٩٢٨. وبتمشي ٤٠ ميل في الساعة.
طيب صرفوا على نفسهم منين؟ كندلاريا بترسم وبتبيع لوحاتهم، وبيعملوا Events يتكلموا فيها عن رحلتهم، ده غير إنهم كانوا في ضيافة كل العدد ده من العائلات فطبعا ده قلل كتير من مصاريفهم، وأخيرا ألفوا كتاب عن رحلتهم بالتفصيل والخبرة اللي كسبوها منها، إسمه Spark Your Dream ممكن تشتريه من خلال أمازون من هنــــا
ولادهم: بامبا اتولد في أمريكا وتيهو اتولد في الأرجنتين وبالوما في كندا ووالابي في أستراليا.
صورة العيلة
وبيدرسوا إزاي؟ أولادهم بيدرسوا عن بعد، بعد ما الحكومة الأرجنتينية وافقتلهم على ده، وبتتابع مع الأب والأب وبتبعتلهم المناهج. بس طبعا الولاد كبروا، فقرروا يوقفوا الرحلة ويستقروا علشان أولادهم يبقالهم Roots ومكان يرتبطوا بيه، ده غير طبعا عشان لو عايزين يدرسوا ويعيشوا حياة عادية.
إتعلمتوا إيه من قصتهم؟ وممكن تعمل كده انت ومراتك؟
