كل شروط السفر إلى تركيا للمصريين

كل ما يخص سفر المصريين لتركيا لعام 2022

أولا: الاوراق المطلوبة لاستخراج الفيزا من السفارة:-
1- جواز سفر ساري المفعول
2- كشف حساب بنكي على اخر 6 شهور فيه مبلغ مش اقل من 20.000 جنيه والأهم يكون عليه عمليات سحب وايداع كويسه أو دفتر توفير أو اي إثبات أملاك
3- لو انت موظف محتاج خطاب من العمل + برنت تامينات
4- لو انت طالب أو طالبة بتجيب شهادة قيد مختومة من الجامعة
5- لو انت صاحب عمل محتاج السجل التجاري والبطاقة الضريبية
6- صورتين شخصية خلفية بيضاء حديثة مقاس 4x6
(الأبليكيشن وحجز الطيران والفندق المبدئي والتأمين الطبي بيعمله  مكتب MZ التابع للسفارة)  وتكلفة الفيزا والأوراق 145 دولار
7- المحافظات التابع لها مكتب اسكندرية (الاسكندرية - البحيرة - دمياط - مرسى مطروح - كفر الشيخ -الغربية - الدقهلية - المنوفية) باقي المحافظات تتبع مكتب MZ في القاهرة
8- عنوان المكتب في القاهرة هنـــــا (21 شارع شارع مصدق، الدقي، قسم الدقي، الجيزة)
عنوان المكتب فى اسكندرية هنــــــــا (٨٨ شارع فؤاد باب شرقي ووابور المياه، الإسكندرية)

ثانيا: الموافقة الأمنية:
- لو انت / انتي سنك من 12 لـ 40 سنة لازم تعمل موافقة أمنية علشان تسافر تركيا بغض النظر عن مهنتك.
خطوات استخراج الموافقة الأمنية:
1- لو عندك مهنة فى الباسبور بتعمل فيزا سياحة أو زيارة أو عمل
2- المطلوب ( صورة الفيزا - جواز السفر -  البطاقة - بطاقة والدك - جواب من جهة العمل لمن يهمه الامر - برنت تأمينات)
3- لو مكتوب فى الباسبور طالب أو حاصل على (بكالوريوس او ليسانس أو دكتوراه) لازم تكون نوع الفيزا زيارة مش سياحة علشان تعمل الموافقة الأمنية، ولازم حد من تركيا يبعتلك دعوة مترجمة وموثقة اعرف ازاي تحصل علي دعوة رسميه من خلال سافر من هنا
4- الموافقة الأمنية بتستلمها تاني يوم
5- الموافقة الأمنية صلاحيتها شهرين من تاريخ الإستلام.
6- العنوان : إدارة الجوازات والهجرة في العباسية - القاهرة
7- التكلفة 135 جنية

ثالثا شروط استخراج فيزا الإلكترونية:
1- يكون معاك حجز فندق بالفترة اللى هتقعد فيها فى تركيا و مبلغ 50$ على كل يوم.
2- تذاكر طيران ذهاب وعودة على (Turkish Airlines, Pegasus Airlines, Onur Air or Egypt Air.) النقطة دي مهمة جدا لأن فى طيران Alitalia شارتر بيطلع من مصر بس ده مش هينفع تسافر عليه لو انت معاك فيزا اون لاين.
3- باسبور صالح لمدة 6 شهور من تاريخ الدخول لتركيا.
4- سنك أقل من 20 سنة أو أكبر من 45 سنة، أو معاك فيزا أمريكا أو فيزا لأي دولة من دول الشنغن أو المملكة المتحدة او أيرلندا.
5- غرض السفر يكون السياحة أو العمل.
6- بتدفع رسوم الفيزا 40 دولار عن (Mastercard/Visa/UnionPay credit or debit card.) وبتستلم فيزا صالحة لمدة 180 يوم ولكن شرط الأقامة  أقل من 29 يوم فى تركيا، بتستلم الفيزا على الإيميل وتطبعها وتطلع بيها على المطار من غير متروح السفارة وكمان من غير موافقة أمنية لو سنك أقل من 18 أو أكبر من 45 سنة.

رابعا: تصريح السفر للشباب في سن التجنيد كل التفاصيل هنـــــا