إزاي تقدم على فيزا جورجيا من السفارة والتقديم على الموافقة الأمنية

أولا: الفيزا أونلاين لجورجيا متاحة للمصرين أقل من 18 سنة أو اكبر من 45 سنة لو انت مسافر من مصر ، إنما لو مسافر من أي دولة تانية ممكن تعمل اونلاين فيزا وتسافر عادي، كل التفاصيل عن الأونلاين فيزا من هنــــا (تحديث بتاريخ 1 مايو 2017)
ثانيا: الأوراق المطلوبة للتقديم على الفيزا من السفارة ( جواز سفر ساري المفعول - كشف حساب بنكي على اخر 3 شهور فيه مبلغ مش اقل من 15.000 جنيه والأهم يكون عليه عمليات سحب وايداع كويسه، وكمان ينفع حساب الوالد أو الوالدة او دفتر توفير أو اي إثبات أملاك - خطاب من العمل "لو انت طالب أو طالبة بتجيب شهادة قيد من الجامعة" - حجز طيران وفندق مبدئي - تأمين طبي - صورتين شخصية 4x5 - الأبليكيشن اللى هتعمله من موقع السفارة + وتحديد الميعاد فى السفارة) جميع الأوراق تكون مترجمة للإنجليزية.
ثالثا: خطوات التقديم على فيزا سياحة لجورجيا من السفارة وتكون ملصقة على جواز السفر وبعدين هتقدم على الموافقة الأمنية
1- الدخول على موقع السفارة من هنــــا
2- ملئ الأبليكيشن من الموقع وكتابة كل بياناتك وتواريخ الذهاب والعودة وبعدين تطبعه وتوقع علي آخر صفحة وترفع الأبليكيشن تاني على الموقع بعد التوقيع.
3- أيداع 20$ فى حساب السفارة الجورجية فى بنك CIB  على حساب رقم 5360300106.
4- تحميل ايصال البنك بالإيداع.
5- تحميل جواز السفر - حجز الفندق المبدئي - حجز الطيران المبدئي
6- تحميل صورة شخصية مقاس 4*5 خلفية بيضاء حديثة
7- تحميل كشف حساب على اخر 3 شهور لا يقل الرصيد عن 15 ألاف جنيه مصري.
8- تحميل التأمين الطبي ويكون قد المدة اللى هتقضيها فى جورجيا.
9- تحديد ميعاد لتقديم الأوراق فى السفارة.
10- طباعة جميع الأوراق والذهاب إلى السفارة فى الميعاد المحدد.
عنوان السفارة: 11 ميدان اسوان، الحويتية، الجيزة، مصر / رقم التليفون: 0020233044768، الموقع على الخريطة من هنــــا
مهم جدا: لازم الأبليكيشن والحجوزات والتأمين الطبي تكون كلها بنفس المدة اللي هتقصيها فى جورجيا لأن الفيزا بتطلع بعدد الأيام اللى كاتبها فى الأبليكيشن، و تكون التواريخ محددة بدقة لان الفيزا صلاحيتها 7 أيام فقط من تاريخ السفر.
رابعا: التقديم على الموافقة الأمنية للسفر لجورجيا
للعلم كل مرة بيكون فى قانون جديد ودي أخر قوانين موجوده دلوقتي:
- لو انت / انتي سنك من 18 لـ 40 سنة لازم تعمل موافقة أمنية علشان تسافر جورجيا بغض النظر عن مهنتك.
خطوات استخراج الموافقة الأمنية:
1- بعد متستلم الفيزا من السفارة بتروح مجمع التحرير وتصور الفيزا والباسبور وتكلفتها نص جنيه (لازم تكون عارف اسم والدك خماسي وتاريخ ميلاده لأنهم بيطلبوهم منك هناك)
2- الموافقة الأمنية بتستلمها بعد 4 أيام 
3- الموافقة الأمنية صلاحيتها شهرين من تاريخ الإستلام.
4- مواعيد العمل من السبت للخميس من 8 صباحا لـ 1 ظهراً.
5- العنوان : مكتب رقم 15 - مكتب ظابط الإتصال - الدور الأول - مجمع التحرير- ميدان التحرير - القاهرة (أقرب مترو محطة السادات)
تقدر تعمل كل اجراءات من خلالنا مقابل 580 جنية شاملة الأبليكيشن وتحديد ميعاد السفارة وحجز الفندق والطيران المبدأي و التأمين الطبي لمدة 10 ايام الرسوم  شامله خدمة توصيل الأوراق للمنزل تواصل معانا للتنسيق 
استكشف جورجيا بعيون الخبراء فى سافر