السلام عليكم أنا أخوكم محمود بدير 19 سنة بحكي قصتي في السفر للناس إللي واخدة السفر دا علي إنه حاجة صعبه بالعكس دي حاجة جميلة جدا ومتزعلش إن باسبورك ضعيف بس لو كل البلاد كانت مفتوحة للمصرين مكنتش هتحس بطعم الفيزا اللي علي باسبورك وكمية الصعوبات اللي بتوجهك صدقني بيكون ليها لذه
أنا بداية قصتي إنى اتخنقت جدا من مصر وأنا 16 سنة بعد ما كان كل حلمي اركب طيارة الحلم دا معايا من وأنا في الإبتدائي كان كل حلمي الطيارة .. قررت السفر الي كوريا الجنوبيه لانها الدولة الوحيدة اللي إقتصادها كويس ودخل المواطن كويس وممكن لو قررت أشتغل فيها الرواتب فيها مجزية
ده الجزء التاني من رحلتي:
نزلت كوريا طبعا ودورت علي شغل المهم ربنا رزقني بشغل براتب 1800 دولار دا بقي اول ما سمعت الراتب دا حسيت نفسي في فيلم هندي  المهم اشتغلت 3 شهور وفاضل في الفيزا عندي يومين طبعا بعد ما دخلت كوريا خت الختم في المطار بشهر وروحت مكتب الهجرة جبت كمان شهرين المهم فاضل علي الفيزا يومين ولازم اغادر فتحت موقع لحجز تذاكر الطيران المهم شوفت البلاد اللي جمب كوريا وينفع السفر ليها من غير فيزا طبعا لقيت هونج كونج التذكرة 300 دولار ذهاب وعودة المهم حجزتها وسافرت علي هونج كونج طبعا كان الرطوبه عاليه جدا من ناحية الجمال فا هيا جميله جدا بس مشكلتها غاليه حبتين طبعا كنت حاجز في جيت هاوس 5 ليالي طبعا قولت استغل الايام دي اسال عن اسهل سفاره هنا بالنسبة للمغتربين او اللي السفارات اللي بتسمح للي جاي سياحة يقدم واحد صحبي مصري اتعرفت عليه هناك قالي ممكن تجيب تايوان صراحة تايوان دي كنت اسمع عنها وانا صغير علي المنتجات بس عمري ما اتصورت ان في بلد اسمها تايوان المهم روحنا الصبح قدمنا انا وصاحبي وعلشان صحبي دا راح تايوان كذا مرة عمل ضمان في السفارة علي اني مش هكسر في البلد المهم طبعا بيوجهو اساله زي اي سفارة بس الصايع اللي يخلع من الاساله دي المهم قدمنا الفيزا مستعجلة بتطلع في يوم المهم روحنا الساعه 2 علشان نشوف التاشيرة فا لقيت المسؤال اللي قاعد بيقولي انت كنت في كوريا 3 شهور بتعمل ايه ؟؟ طبعا لازم التفكير والرد يكونو في لحظات قولت لو قولتلو انا شغال في البيزنس سني وقتها 17 سنه مش هتركب لو قولتلو سياحة بردو مفيش سياحة 3 شهور -- المهم قولتلو انا اتعرفت علي بنت كورية في خلال الاسبوع اللي كنت رايح فيه سياحة المهم صار بيني وبينها علاقة وقالتلي انها مش عاوزاني انزل مصر دلوقتي وافضل جمبها ومثلتلو دور سوما العاشق المهم ضحك واعطاني الباسبور عليه الفيزا علما بان سوال كنت في كوريا 3 شهور ليه دا بعد ما كان اصلا حاطط الاستيكر بتاع التاشيرة بس طبعا لو في اي خلل في الكلام تاني هيكنسلها ودي قصه هونج كونج.