قصتي مع السفر إلى مكة

ساحكي لكم قصة سفري الي مكة لاداء العمرة 
في شهر 5 اللي فات سافرت الي العمرة والحمد لله والصراحة مكنش في اي امكانيات اني اسافر الي النيه فقط لاني الفترة دي كان عندي التزامات كتير مع اني عايش في الخليج وسفري الي مكه لا يكلفني سوي 200 دولار اذا سافرت بري في رحله شاقه مدتها 18 ساعة واقامة في مكة 3 ايام في فندق نجمتين وعوده 18 ساعة 
المهم اني عقدت العزم اني اسافر بري وجهزت المبلغ وطلبت اجازة من الشركة مدتها اسبوع لاداء العمرة للعلم انا اعمل في شركة سياحة وسفر من 8 سنوات ودي اول عمرة لي والصراحة تاخرت كتير بس كل شئ بميعاد . المهم ردت الشركة بالموافقة علي الاجازة ومنحي رحلة عمرة علي نفقة الشركة ( vip ) بتكلفة فعليه 1500 دولار واصدار قرار من ادارة الشركة ان لكل موظف رحله عمرة علي نفقة الشركة لمرة واحدة فقط . يالله 
يعني العمرة بتاعتي فتحت خير علي كل موظفين الشركه وبعد ما كنت هسافر بالباص واسكن في فندق نجمتين بينه وبين الحرم كيلو . سافرت طيران وسكنت في فندق 5 نجوم في غرفه مطله عالكعبة . وقبل السفر بيومين كلمت صديق عمري بيشتغل في جده اني هسافر وعاوز اشوفه استناني بعربيته في المطار ووصلني للفندق وفي العودة رجعني المطار وركن لي عربيته في جراج الفندق تحت امري ياسبحان الله علي التساهيل 
الخلاصة :- انك لو نويت تعمل حاجة متاجلهاش اتكل علي الله علي طول . انا بقالي مثلا 3 سنين كنت نفسي اسافر مكة وبأجلها بحجج بسيطه وبصعبها علي نفسي ولما نويت ربنا يسر كل شئ
ملحوظة انا محلقتش شعري لمدة 3 شهور علي امل اني احلق شعري بعد العمرة ولله الحمد تحقق الحلم
الصورة من غرفة الفندق. 
من مسابقة #قصتي_مع_السفر
شكرا Ahmed Rashad