قصة بيري فى أعالى البحار
قصص السفر. 
قصة "بيري" مع السفر.. من المغامرات اللى ممكن تغير حياتك فعلا 
انا عايزه احكيلك تجربتي مع السفر كانت ازاي مبدأيا انا عند ٢٧ ابتديت اسافر لوحدي وأنا عندي ٢٢سنة روحت أول بلد دبي قعدت فيها ٤٠ يوم زورت فيهم ٧ إمارات وعملت اصحاب وبعدين رجعت مصر.
ولما رجعت شوفت سفينة عمرها ٩٥ سنة لكي ان تتخيلي كم هي قديمة وعتيقة وأصل بلدها هولندا وجت الغردقه ووقفت لماده ٣ أيام في المينا وانا عندي خبره في المراكب لان قبل ما أروح دبي كنت بشتغل علي واحده في الغردقه المهم انبهرت بالمركب لان بحب الحاجات القديمه سألتهم مش محتاجين كرو (فريق عمل) قالو ايوا محتاجين شيف انا قولت انا بشتغل شيف عاملولي اختبار واشتغلت وروحت معهم مكان بعد الغردقه اسمه سومابيه
وبعدين سافرنا علي بورسعيد ومن بورسعيد علي قبرص قعدنا في قبرص اسبوع وبعدين سافرنا علي اليونان في طريقنا لليونان إصبت بإنفلونزا وتعبت جدا ومكنتش بقدر اعمل الاكل فكان حد من الكرو بيعمل الاكل للعلم المركب كلها ولاد انا البنت الوحيده وعربية ومسلمة.. الكرو كان أسباني انجليزي هولندي وبلجيكي والكابتن صاحب المركب ٦٦سنه هولندي وفي يوم كان داخل علشان يطمن عليا في الكابينه لقاني مشغله قرآن ومن هنا ابتديت العنصريه بتعته وقالي دي مركب مسيحية طبعا انا اعرف ان دي كابينه الخاصه بيا اقدار اشغل الا انا عايزه حصلت مشادة بينا واتفقت اني همشي عند اول بلد.
من الطبيعي ان ندخل اي بلد نختم الجوازات بتاعتنا ولكن دخلنا جزيره في اليونان اسمها برتو هايلي وقفنا في خليج صغيره امام الفيللا والجبال وقالي هاتنزلي هنا. قولتله فين حق التذكره او المرتب ماخدتش منه حاجه ومرديش يخليني امضي علي نزولي من المركب يعني نزلت ومعملتش إخلاء طرف بس نزلت في الجزيرة وحطيت الشنطه بتعتي وفضلت ابص علي البحر وأقول انا فين وازاي وصلت لهنا وللحظات انتابني الاحباط لكن مستسلمتش وقولت هلاقي طريقي..
وكأن ربنا بيرتب كل حاجه لقيت واحد بيتكلم انجليزي كان بيعوم مع الكلب بتاعه سألته ازاي اروح المطار قالي انا مسافر قدامي ساعتين وكان من سكان الفيللا مع ولداته وبنته روحت معاه علي ماخلص كل اللي وراه ووالدته عملتلي غداء وكان التوقيت مابين المكان دا ومطار اثينا حولي ٣ساعات وروحت المطار ولقيت مكتب مصر للطيران دخلت وحكيت حكايتي ووريت لهم عقد العمل بتاعي وللعلم مكنش معايا فلوس بس كنت هكلم اي حد من أهلي يحجز لي التذكرة المهم في مصر للطيران نصحوني اروح لجوزات المطار وأقولهم علي الموقف بتاعي وهناك بيتكلموا عربي شويه علشان في عرب كتير في المطار اللي ضارب فيزا واللي هربان. انا روحت وقولتلها no English only Arabic
بس جاه واحد قولتله كل حاجه واحده واحده بالعربي وقالي متقلقيش احنا هنساعدك قولت الحمد لله راح جاي واحد صاحبه بالإنجليزي أتكلم قال
I think she's runaway from the boat but she couldn't find job here so she decided to go back to her country I'll tell her to come tomorrow with her ticket And we just stamp her black list
انا سمعت الكلام وتجاهلته تماما وشكرته وقولتله بكرة هاجي مشيت وفضلت افكر هتعمل ليا بلاك ليست على أساس اني هربانة.. وصمة عار بالنسبه ليا انا طموحه وبحب السفر ..
فكرت اعمل ايه وفضلت قاعدة من الساعه 5 المغرب للساعه ٢ باليل لا اكل ولاشرب طياره تروح وتيجي وانا في مكاني لحد مالقيت واحد قعد جنبي بيحكي عربي حكيتله المهم طلع سوري وكان مسافر بلده وفي ناس جايه تسلم عليه منهم خاله وزوجته اسبانيه الناس ترفقوا بعروبتي وأخذوني انام عندهم بعد كل اللي حصل معايا وتعبي مكنش عندي قلق من اي حد روحت والناس أكرموني اخر كرم لدرجة ان نمت علي السرير وهما ناموا علي الارض وتاني يوم ابتديت اروح السفاره المصريه وعلي الحظ قابلت هناك مدير مصر للطيران اللي كان في المطار يبقى صديق للقنصل فجبلي ميعاد مع القنصل طبعا كالعاده حكيتله و وريتله الورق بتاعي اللي كان معايا وكمان ختم الخروج من بورسعيد فضلت موجوده في اثينا لمده اسبوع مع الناس مراعيني جدا وكل دا مقولتش حاجه لاهلي وكنا في رمضان الكلام دا في ٢٠١٢وبعدين السفاره نظمت مع المطار وعطوني جواب وقالي بكره تكون معاكي التذكره وعلي طول علي المطار بس وحصل وروحت ورجعت بلدي انسانه تانيه قويه مش ضعيفه.
والمركب بعدها بشهرين غرقت في جنوب فرنسا بس الحمد لله ربنا نجي الناس اللي عليها.
عاوزة اقولكم أن السفر بيقوي وبالذات التجويع اتعلمت منه كتير وسافرت بعدها كذا مره تركيا وتونس وفرنسا ولسه كتير قدامي.
كتبته لكم: Berry Aries
كل الحب والتقدير ليكي من فريق سافر