خطوات إستلام الإقامة السياحية التركية بالتوكيل

يوجد نوعين من التوكيلات:-
1- عمل التوكيل داخل تركيا (وهو الأسهل ويشمل تخليص كل الإجراءات فى يوم واحد فقط) ونحن نقوم بتوفير مترجم محلف وتخليص كل الإجراءات وعمل التوكيل لنا لاستلام الإقامة عنك والتكلفة 190 دولار للشخص شاملة جميع الرسوم والشحن إلى دولتك إيضا، وسوف تصلك الإقامة إلى عنونك فى الدولة المقيم فيها عن طريق شركة الشحن.

2- عمل التوكيل خارج تركيا:-
(بالنسبة للي عملوا اقامة سياحية و نزلوا مصر قبل ما يستلموها) 

خمس مراحل بس كلهم هيخلصوا في اسبوع بالكتير

أولاً الشهر العقاري :
ا-بتروح الشهر العقارى اللى جمب بيتك تعمل توكيل و تكتب بياناتك و رقم باسبورك لفلان الفلانى بياناته و رقم باسبوره .
ب- بكتب فيه للوكيل الحق في التعامل مع هيئة البريد PTT و استلام الاقامة و اجراءات التمديد و التعامل مع الامنيات .
ج-بتشتري استمارة الامين العام ضروررري من الشهر العقاري لانك لازم تختم التوكيل و الاستمارة قبل ما تمشي من هناك مرحلة الشهر العقاري هتتكلف من 50-60 جنيه .

ثانيا الامين العام :
ا-بتصدق عليه من مكنب الامين العام ختم النسر هتلاقيه فى رمسيس جمب نقابة المحامين - التكلفة مجانا.

ثالثا تصديق الخارجية :
ا- فيه مكتبين لكل واحد ميزة - اللي خلف الميريلاند مصر الجديدة قريب من المترجم التركي المعتمد و الثاني في الترجمان قريب من الامين العام
ب-بتروح المكتب و معاك التوكيل و بتصدقه بـ 11ج - المكتبين مواعيدهم من الاحد الخميس 9ص-1.30ظهرا.

رابعا المترجم المعتمد :
المترجم المعتمد من السفارة يترجم التوكيل تكلفته من 150ج-200ج و بيديك نسختين من الترجمة ((ضروري اسمك و اسم اللي هتوكله تديهم للمترجم مكتوبين زي اللي ف الباسبور ))

خامسا : السفارة التركية :
ا- بتروح من 11-12 ظهرا فقط من الأحد - الخميس و معاك 20 دولار السفارة هتاخد منك ال 3 نسخ (عربي +2 نسخة تركي) وهيديك موعد بعد 3 ايام للاستلام .
ب- بيسلموك التوكيل نسخة عربي و نسخة تركي و الأتنين مختومين بختم السفارة . ابعت التوكيل بالبريد المصري 320ج يوصل ف 5 ايام ..صاحبك يستلمه و يروح البريد يستلم الاقامة يبعتهالك بالبريد التركي ب 85 ليرة .

 أو اضغط هنا وتواصل معنا مباشر من خلال واتس اب.