ازاي تعمل كشف حساب بنكي ميترفضش في السفارة

🛑كتير من الناس بيجيلها رفض في السفاره مع إن ورقهم كله كامل بس السؤال هل ورقك الكامل دا صحيح ؟
🛑 من أهم الأسباب الرئيسيه لرفض الفيزا هو كشف الحساب البنكي الي انت مقدمة طيب ازاي اعمل كشف حساب بنكي محترم و ميترفضش ؟! هو دا الي هنتكلم فيه إنهاردة.

🛑هنلخص الموضوع في نقط عشان يبقي واضح و سهل:
1- لو معندكش حساب متحاولش تجيب كشف حساب مضروب لأنك هتكون معرض للمسائلة القانونيه و ممكن تتحبس بسبب إنك زورت أوراق رسميه و في السفاره مش أغبياء يعني و بيعرفوا المضروب من الي مش مضروب أفتح حساب بأسمك و اجل سفرك لحد ما تظبطه.

2- السفاره بتقبل كشف الحساب من أي بنك سواء حكومي أو خاص.

3- خلي حسابك في الدولة الي أنت هتقدم منها يعني لو هتقدم من مصر يبقي حسابك في احدي البنوك المصريه لو معاك اقامة في دوله تانيه يبقي حسابك في الدولة التانيه.

4- لازم حسابك يعدي عليه 6 شهور على الأقل في سفارات بتقبل ال 3 شهور زي تايلاند و جورجيا.

5- لازم تعمل عمليات سحب و إيداع منتظمة على الحساب و دي النقطة الأهم ، ازاي تعمل عمليات بنكية منتظمة:-
+ حول كل فلوسك علي حسابك الشخصي بمعني ان قبضك او مصروفك او اي دخل ليك يدخل البنك الاول .
+ اعمل عمليات منتظمة بمعني إن الإيداع مثلا يكون في أول أسبوع من كل شهر و خلي عمليات السحب متعددة بمعني متسحبش المبلغ مرة واحده اعملها على أكتر من مرة و ياريت لو تربطها بفيزا بحيث إن يبان أنت اشتريت ايه او عملت ايه حاول تدفع بالفيزا قدر الإمكان عشان تشغل حسابك.
+ تحط قد ايه او تسحب قد ايه مش مهم المبلغ على قد ما الرتم نفسة مهم بمعني انت مثلا بتقبض 5000 جنية بتحطهم في الحساب بتصرف مثلا 3000 جنية في الشهر حافظ علي الرتم ميكونش زياده قوي و لا تقلل قوي يعني مش منطقي انك تقبض 5000 جنية و تصرف 500 جنية مثلا خليك منطقي.
+ متعملش عمليات مفرطة او مفاجئة لان دي واحده من أهم اسباب الرفض انك تجيب مبلغ و تحطة مره واحده في الحساب من غير ما تبرر المبلغ دا منين، زي ما قولتلك حافظ علي الرتم، ممكن و أنت بتفتح الحساب تحط المبلغ الي انت عايزة و بعدها تبدا في عملياتك البنكية المنتظمة.

6- لو انت حطيت مبلغ كبير مرة واحده لازم تقدم للسفاره مصدر المبلغ دا بمعني انك بعت عربية مثلا او اياً كان يبقي لازم تقدم عقد البيع مع الاوراق.

7- المبلغ المطلوب قد ايه دا سؤال مهم الاجابة هي إنك لو هتسافر اوروبا يبقي 100يورو عن كل يوم لو تركيا، جورجيا، تايلند، الهند، او قبرص 50 يورو عن كل يوم، و متنساش إنك لازم تكون منطقي بمعني انك تراعي حجوزات الفندق و الطيران و يكونوا متناسبين مع الحساب.

8- من الدواعي المنطقية برضو إنك متصرفش كل الي في الحساب بمعني إن رحلتك مثلا هتتكلف 30000 جنية و انت حسابك كله 30000 جنية دا مش منطقي يعني مثلا الرحلة تكلفتها 20000 جنيه و انت حسابك 25000 او 30000 جنية.

9- عندي حسابين اقدم انهي واحد فيهم ؟؟ او عندي حساب مصري و حساب عمله أجنبيه اقدم انهي واحد فيهم ؟؟ الاجابة قدم الاتنين مدام أنت عملياتك كويسة و ممكن تقدم كشف حساب بواحد و كشف ارصدة بالتاني .

10- لو أنت أقل من 18 سنة و مش قادر تعمل حساب ممكن تستخدم حساب الوالد او الوالده مع تقديم وثيقه بتعهد الوالد أو الوالده بتكفل المصاريف.

11- لو أنا عديت سن 21 و عايز استخدم حساب الوالد أو الوالده ؟؟ في بعض الدول بتقبل و في دول مبتقبلش زي تركيا مثلا مبتقبلش حساب الوالد أو الوالدة غير لو انت أقل من 21 سنة.

12- بالنسبة للسيدات تقدري تستخدمي حساب الزوج في أي سفاره مع وثيقه التعهد بتكفل المصاريف، لو مسافره تركيا تقدري تستخدمية في حاله الفيزا المرافق فقط.


🛑 دي أهم النصايح الي تقدر من خلالها تقدم كشف حساب بنكي محترم و ميترفضش في السفاره، تقدر من خلاله تاخد الفيزا الي انت عايزها.

تقدر تعرف تفاصيل فيزا شينجين من هنا
اعرف كمان ازاي تعمل استئناف لرفض الفيزا من هنا 

نقوم بتوفير كل شيء بخصوص تركيا (  الفيزا  - الإستقبال من المطار - حجز الفنادق - برامج للرحلات اليومية  - حجز الطيران الدولي والداخلي - تأجير سيارات خاصة  - تأجير شقق مفروشة فى أغلب المدن )
متاح أيضا التقديم على الإقامة فى تركيا من هنــــا
والتقديم على دراسة اللغة فى تركيا من هنـــا
* كلمنا على رقم المكتب واحنا نخلصلك كل الأوراق الخاصة بالفيزا سواء زيارة أو سياحة أو إقامة أو دراسة أو عمل او علاج.
للحجز أو الاستفسار عن أي تفاصيل ممكن تكلمنا على رقم الشركة
مكتب مصر:  00201279309900 ​​​​ 
ايميل: Info@Safer4Free.com
 مكتب تركيا: 00905445019185 (WhatsApp)
ايميل: Turkey@Safer4Free.com   
مواعيد العمل: من السبت للخميس من الساعة 8 صباحاً لـ 6 مساءًا.
تابع كل عروض سافر من هـنـا​​​​​