نعمل اية في البيت؟؟
السؤال المطروح حالياً مطلوب منك تقعد
في البيت على الأقل 15 يوم، سافر هتقولك 20 حاجة تعملها في البيت عشان متزهقش وتستفاد
كمان بالوقت:
1-أول يوم هنشغل مزيكا و ننظف البيت كلنا بالكلور للأرضيات و الاسطح، اما اسطح
المطبخ و لوح التقطيع الخل افضل عشان نبدأ علي نظافة.
2-هننزل اول يوم نشتري كل الحاجات اللي محتاجها سواء بقالة او منظفات او خضار عشان
مننزلش تاني الأسبوعين اللي جايين و احنا نازلين نأخذ معانا بخاخة بكلور و نطهر و
احنا ماشين الاسانسير، الباب، عربة التسوق، أي حاجة نلمسها، أكياس الاكل نطهرها
بالخل و طبعاً نلتزم بإرشادات السلامة هتلاقيها هنا.
3- الناس الي بتحب تقرا دي فرصتك هنا هتلاقي موقع مكتبة الإسكندرية بكل الكنوز
اللي فيها ملكك ببلاش اقرا و انبسط.
4-لو انت عايز تتطور نفسك فدي فرصتك مواقع كتير فتحت الكورسات مجاناً تقدر تذاكر
من موقع coursera ، موقع ادراك
و غيرها كتير و ممكن تلاقي ماجستير ادارة اعمال مجاني هنا .
5-فرصة أنك تقرب من ربنا وتقرأ القراًن
الكريم، ولو انت مسيحي اعمل قانون الدير واقرا كل يوم 30 مزمزر واصحاحين من سفر
الامثال.
6-قضي وقت أطول مع عيلتك اتفرج على أفلام او مسلسل سواء علي النت او على التليفزيون.
7-تقدر تبدأ تعمل فيديوهات التمارين اللي انت عملتلها حفظ ونسيتها و اهي فرصة نزود مناعتنا.
8- بما اننا جبنا سيرة المناعة فدا وقتك للاختراع تقدر تخترع مشروبات لتقوية
المناعة و تشارك بيها علي النت كمان يمكن تضرب معاك و تبقي الشيف بوراك الجديد.
9-طبعاً مش هننسي لذة الحياة ( الاكل ) تقدر
تطبخ مع العيلة سواء والدتك او زوجتك؛ خلية يشاركك في المطبخ الفراغ وحش.
10-اعمل وقت للنستولوجيا و استعيد العاب زمان زي اتوبيس كومبليت اللي طلعت ( stop it is complete )
و شطرنج و دومنة و أجواء المصيف اللي انت عارفها.
11-صحابك اللي انت نسيتهم اتصل بيهم واحد واحد و ارغي براحتك و اطمن علي العيلة و
عيلة العيلة و زود الود و زن عليهم بإرشادات السلامة يمكن تنقذ حياة حد فيهم خليك
ايجابي.
12-نعمل حاجة سخنة و نشغل مزيكا و نشربها في البلكونة و كأننا في الكافية و بفيو
كمان حتي لو مفيش فيو تفائل الخير قادم.
13-مفيش مانع انك تعمل حملة إصلاحات في البيت الكرسي المكسور و اللمبة المحروقة؛
صلحهم ينوبك ثواب.
14- بلاش زيارات خالص لا استقبال و لا انك تروح بس ممكن تتفق مع الجيران و تطلعوا
البلكونات تعملوا واتس اب لايف من البلكونة و اهو نتسلى برضو و نعمل جو نستولوجيا.
15-نعمة ربنا اللي دايماً بندور عليها و مبيبقاش في وقت تعملها ( النوم ) نام و
انتخ و براحتك و انبسط بالنوم، النوم من الحاجات اللي بترفع المناعة و المعنوية و
الله، نام علي قد ما تقدر و ريح دماغك خالص.
16-الولاد اللي انتم ناسينهم في زحمة الدنيا اقعد العب معاهم و العب بالعب بتاعتهم
و عوض ايام طفولتك اللي مكانش فيها الحاجات دي.
18-انة وقت الفيديو جيم مفيش مانع تعلم الوالد او المدام و تلعبوا مع بعض و ممكن
تلعب pubg العالم كلة قاعد في البيت.
19-اعمل اكتر حاجة بتحبها و هي انك متعملش حاجة؛ تقدر تقعد في منطقة اللاشئ اللي
في دماغك زي مانت عايز.
20-انشر الوعي علي قد ما تقدر و التزم بإرشادات السلامة لان دي اللي هتنقذنا فعلاً
في الوقت الحالي.
لو عملت حاجة واحدة بس من الحاجات دي هتقضي ال 15 يوم من غير ما تحس و مش هتزهق ابدأ؛ حافظ علي حياتك و حياة كل اللي حواليك.
----------------------------------------
نقوم بتوفير كل شيء بخصوص تركيا
( الفيزا - الإستقبال من المطار - حجز الفنادق- الإقامة القانونية - تأسيس الشركات - برامج للرحلات اليومية - حجز الطيران الدولي والداخلي - تأجير سيارات خاصة - تأجير شقق مفروشة فى أغلب المدن - تنظيم المعسكرات الرياضية)
متاح أيضا التقديم على الإقامة فى تركيا من هنــــا
والتقديم على دراسة اللغة فى تركيا من هنـــا
* يمكنك التواصل معنا على أرقام مكتبنا فى مصر أو فى تركيا وسنقوم بمساعدتك فى الحصول
على الفيزا سواء زيارة أو سياحة أو إقامة أو دراسة أو عمل او علاج.
للحجز أو الاستفسار عن أي تفاصيل برجاء التواصل معنا على رقم الشركة
مكتب مصر: 00201018647306 _ 00201279309900
ايميل: Info@Safer4Free.com
مواعيد العمل: من السبت للخميس من الساعة 8 صباحاً لـ 6 مساءًا.
مكتب تركيا: 00905445019185 (WhatsApp)
ايميل: Turkey@Safer4Free.com
مواعيد العمل: من الأثنين للسبت من الساعة 10 صباحاً لـ 6 مساءًا.
إسطنبول فى إنتظاركم ونتمني لكم رحلة سعيدة
تابع كل عروض سافر من هـنـا
