لو انت مش بتحب السمك زيي أول متشوفها هتقرف منها، بس أنا قولت لازم أجربها وطلعت حلوه جداااا وهي وجبه من المحار والأرز المتبل وبيتقدم على نصف صدفة ومعصور عليها ليمون، الغريبة ان المحار غالى جدا ومش موجود غير فى المطاعم الكبيرة إلا ان فى اسطنبول بيقدموه على عربيات فى الشارع وسعر الواحده منهم ليرة ممكن تاكل 12 لغاية متحس انك مش قادر تتحرك

هي وجبة من الدجاج أو اللحمة أو الجبنة أو الخضروات محشية فى الخبز التركي، اللى هيلفت نظرك أن الوجبات دي هي نفسها موجوده فى أفخم الفنادق وباضعاف السعر اللى بتباع بيه فى الكشك اللى فى الشارع

أيوه هو السميط بتاعنا بيفطروا بيه بس ده أطعم بكتير وكمان ريحته حلوة جدا، كل السياح وكمان الأتراك وموجود فى الشوارع بيتباع على العربية زي اللى فى الصورة. افطر بيه وابدأ يومك

ساندويش السمك الشهير فى تركيا موجود فى "كراكوي" أو شاطئ "إمينونو" كتير جدا، خد بنصيحك الأتراك دايما بيقولوا "الساندويتش والمطعم دونت ميكس" بياكلوا السندوشات وهما واقفين او ماشيين 

دي الامعاء بتاعت الأغنام إحنا بنقول عليها ممبار بس هما بيعملوه أكيد مش عارفين ده إيه اللى بطريقة مختلفة وبيحشوا الأمعاء بالفشة والكرشة والحاجات الغريبة دي اللى انا مبحبهاش بيحبها ممكن يجربها بيقولوا عليها حلوة.

دي وجبة مكونة من البطاطس والجبنة والزبدة وممكن تضيف عليها أي إضافات تانية زي الميونيز والزيتون والمخلل إلخ، وهي بردو من الوجبات المشهورة اللى بتتقدم فى الأكشاك فى الشوارع

كِباب بينطقوها كده (بكسر الكاف) الكباب موجود فى كل مكان وبأنواع كتير جدا (شاورمة – كفتة – أسياخ اللحمة) أوعي تروح تركيا ومتكلش كباب وخصوصا الشاورمة بيعلوها بطريقة فظيعة أنا كنت باكلها تقريبا كل يوم لأنها اكلة سريعة وطعمة وكمان رخيصة.

مش عندنا فى عربية فول فى الشارع، عندهم فى عربية فراخ ولحمة تاخد الطبق بتاعك وتقف تاكله على العربية زي عربية الفول بالظبط، والغريبة ان الأكل حلو جدا 

طبق جانبي من أحد الأطباق المشهورة في تركيا، وخصوصا الجزء الجنوبي منها، ويعود أصلها لمدينة مرسين التركية.وهي عبارة عن طبق جانبي من عائلة السلطات، يتكون من البرغل الذي يحمص قليلا على النار، مع صلصة البندورة، ويمزج مع الفلفل الأحمر الحار مع زيت الزيتون، وبعد التحميص يخلط بأنواع مختلفة من الخضروات كالبصل الأخضر، والبقدونس، وقطعات من الخس، ويعصر عليه الليمون، والقليل من أصنص الرمان الحامض، ويعتبر الكسر من أكثر السلطات توفرا في المطابخ التركية لرخص مكوناته وسهولة تحضيره.

سافر وجرب كل بلد ليها أكلها الخاص المميز اللى هيفضل مميز فى ذاكرت