ما هي UNI-ASSIST للقبول الجامعي فى ألمانيا

ما هي (UNI-ASSIST) التي يتحدثون عنها دائما ؟ وما هي الجامعات التي قبولها مباشر أي لا حاجه للمرور بالأوني أسست للحصول على قبول جامعي منها ؟ ما هي وظيفتها ومهمتها؟
هل مسموح فقط من خلالها التقدم لطلب القبول في الجامعات الألمانية؟

مؤسسة الأوني اسيست هي مؤسسة حكومية المانية، من خلالها يتقدم الطلاب الأجانب بطلبات الدراسة في أغلب الجامعات الألمانية المختلفة، تقوم المؤسسة بالتأكد من صحة المستندات والشهادات المقدمة إليها من قبل الطلاب ومن ثم إرسال طلب التقدم مع صور من المستندات والشهادات إلى الجامعات التي اختارها الطالب. القرار الأخير لقبول الطالب وعدمه هو للجامعة وليس الاوني اسيست، التي ليست إلا وسيط بين الطالب الأجنبي والجامعة.
تحصل الاوني اسيست على مبلغ مادي مقابل هذه الخدمة، الذي يتعلق بعدد الجامعات المتقدم إليها وهي 105 يورو يجب على الطالب دفعها ولا يدفع غيرها للحصول على القبول موقع الاوني اسيست www.uni-assist.de
ليست كل الجامعات الألمانية متعاونة مع الاوني اسيست، هناك جامعات يكون القبول في اختصاص معين فيها بشكل مباشر بدون وسيط. و في الموقع هناك قائمة بالجامعات التي يمكن التقدم لها حصرا عن طريق الاوني اسيست وهنا يجب التنويه إلى أن الطالب الذي يريد التقدم لجامعه تتطلب المرور بالأوني أسست :

مبدأيا عشان تسافر المانيا لازم تعمل حاجة من التلاتة:

- تفتح حساب ف بنك ف المانيا وتحط فيه 8 الاف يورو ومتسحبش منه اكتر من 650 يورو ف الشهر.

- والدك او والدتك يجيبوا كشف حساب بنكي ليهم في اخر 6 شهور (لازم يبقي فالحساب على الاقل 80 الف جنيه)

- شخص مقيم فى المانيا يروح البلدية ويقول لهم: انا عاوز اعمل كفالة للطالب. (سنشرحها بالتفصيل)

لو مش معاك حاجه من التلاته المذكورين يبقى مفيش قدامك غير انك تدور علي منحة.

خطوات الدراسة:

اولا: تدور علي الجامعة اللي هتدرس فيها و الموقع ده هيساعدك ف انك تلاقي الجامعة بسهولة.

بتكتب التخصص اللي بتدور عليه فبتطلعلك الجامعات وهناك بتشوف شروط الجامعة ومصاريفها والدراسة بلغة إلماني أو إنجليزي والتقديم امتي وبينتهي امتي وكمان رابط الجامعة عشان تفاصيل اكتر من هنــــا 

ثانيا: أمامك طريقتين للتقديم:

- تختار جامعة بنفسك وتجهز ورقك المطلوب منك وترسله ع الجامعة مباشرة

او

- تقدم عن طريق اليوني اسست Uni-assist

دا برنامج اغلب الجامعات جعلت التقديم عن طريقه, بتعمل عليه اكونت وبيبقي ليك رقم عليه تسجل الدخول به وتعرف اخر التطورات وردود الجامعات اللى انت قدمت فيها.

الاوراق المطلوبة:

1- اصل شهادة تخرج بالإنجليزي من الجامعة

2- اصل شهادة بيان درجات بالإنجليزي من الجامعة

3- اصل شهادة الثانوية بالإنجليزي من وزارة التربية والتعليم

)التلت شهادات دول تاخدهم وتروح توثقهم ف الخارجية المصرية الشهادة ب 11 جنيه وبعد كده تروح توثقهم من السفارة الالمانية وف السفارة مش مهم توثق شهادة الثانوية والتوثيق ببلاش للي بيقدم ف جامعة حكومية ف المانيا(

4- شهادة اللغة اللي بتثبت ايجادك لللغة اللي هتدرس بيها واللي مطابقة مع شرط الجامعة سواء الماني او انجليش

5- تكتب CV وتمضيه

6- تكتب خطاب "تحفيذ" Motivationوتمضيه (ده بتكتب فيه ليه عاوز تدرس ف المانيا)

7- عدد اتنين "خطاب توصية" Recommendation Letter  من دكتورين ف جامعتك

8- عدد خمس صور 3.5 *4.5

9- عدد واحد صورة باسبور

10- الابلكيشن الخاص ب التقديم ع دراسة ماستر ف الجامعة

(بتعملوا من علي يوني اسست بتمشي الخطوات عادي و تملي بياناتك و ف الاخر الموقع بيحفظلك الابليكيشن علي جهازك تطبعوا وتمضيه)

جهزت ورقك بعدها تبعت 75 يورو لـ يوني اسست ودي تكلفة جامعة واحدة واي جامعة زيادة 15 يورو.

نفترض انك عاوز تقدم فى 10 جامعات يبقي هتعمل 10 ابليكيشن وتطبعهم وتمضيهم وتحطهم مع الورق اللي فوق وتحول ليوني اسست 215 يورو والافضل وصل التحويل تحطوا مع الورق فوق.

لما تجهز كل المذكور فوق ده ارسله على يوني اسست

ابعت ورقك بدري عشان لو ف حاجة ناقصه فى ورقك تقدر تبعتها وملكش دعوة بحاجة هما هيفحصوا ويبعتولك ورقك ع الجامعات اللي انت اختارتها

لو انت جايب تقدير جيد او افضل تقدر تقدم وانت مرتاح

ولو انت جايب مقبول متفقدش الامل ابعت بس اختار جامعات مش معروفة واسألها الاول هينفع ولا لا يعني عموما بتختلف من جامعة لجامعة مفيش حاجة ثابتة.

لو ربنا كرمك وجامعة وافقت عليك خد ورقة القبول دي مع الورقة المالية اللي قلتلك عليها ف الاول ومعاهم شهادة اللغة والورق التاني اللي طالباه السفارة واحجز ميعاد وروحلهم واديهم الورق واعمل المقابلة.

ان شاء الله تاخد التاشيرة

المصدر: كتاب سافر للدراسة فى ألمانيا يمكنكم معرفة كل التفاصيل التى تخص الدراسة فى ألمانيا من هنا

*يعمل فريق سافر على فتح مكتب لنا فى ألمانيا وسنكون وسيط بين الطالب والجامعة ويمكنك تقديم الطلبات من خلال المكتب الخاص بنا لتفادي أسعار التقديم الباهظة التى تطلبها Uni Assist  أو أي مؤسسة أخري، تابعونا على صفحتنا الرسمية على فيس بوك للمزيد من التفاصيل.

أعرف المزيد عن اجراءات فيزا الشنغن من هنا